ഗാർഹിക സഭയുടെ കുടുംബങ്ങളെ വിശുദ്ധീകരിക്കുന്നതിനായി നമ്മുടെ ഇടവകയിൽ പ്രവർത്തിക്കുന്ന പിതാക്കന്മാരുടെ കൂട്ടായ്മയാണ് പിതൃവേദി. കുടുംബത്തിൽ സ്നേഹവും സമാധാനവും സ്ഥാപിക്കുന്നതിനും കുട്ടികളെ ശരിയായ രീതിയിൽ വഴിനടത്തുന്നതിനും പിതാക്കന്മാർ പരിശീലിപ്പിക്കുന്നു. വിശ്വാസകാര്യങ്ങളിൽ അറിവും പ്രതികരണശേഷിയുമുള്ള പ്രബുദ്ധരായ പിതാക്കളിലൂടെ സഭയുടെ നിലപാടിനെ വ്യക്തമാക്കാനുള്ള വേദിയായും ഈ സംഘടന പ്രവർത്തിക്കുന്നു. അങ്ങനെ സഭയുടെ മൂല്യങ്ങളെ മുറുകെപ്പിടിച്ചുകൊണ്ട് കുടുംബത്തിലും ഇടവകയിലും പ്രാർത്ഥനാധിഷ്ഠിതമായ പ്രവർത്തനങ്ങൾക്ക് പിതൃവേദി നേതൃത്വം നൽകുന്നു. രോഗികളെ സന്ദർശിക്കുക, നിർധനരായവരെ സഹായിക്കുക, ബഹുമാനപ്പെട്ട വികാരിയച്ചനെ ഇടവകയിലെ അജപാലന ശുശ്രൂഷയിൽ സഹായിക്കുക തുടങ്ങിയ കാര്യങ്ങളും ഈ സംഘടന നമ്മുടെ ഇടവകയിൽ നടത്തുന്നു.